БЕКІТІЛГЕН

Директордың бұйрығымен ТОО «ПроРазвитие»

Глухова Н.В.

09.02.2024 ж. № 8

ҚЫЗМЕТ КӨРСЕТУ ТУРАЛЫ
ЖАРИЯ ШАРТ

Осы құжат «ПроРазвитие» жауапкершілігі шектеулі серіктестігі (БСН 211140029394) (бұдан әрі – «Орындаушы») тарапынан https://proprofi.kz/ сайтында тіркелген пайдаланушылармен (жеке тұлғалармен, оның ішінде жеке кәсіпкерлермен және/немесе заңды тұлғалармен) қызмет көрсету туралы шарт жасасуға арналған ұсыныс (бұдан әрі – Оферта / Шарт) болып табылады. Осы көпшілікке арналған ұсынысты (офертаны) қабылдаған (акцептеген) тұлғалар (бұдан әрі – «Тапсырыс беруші») осы Шарттың тараптары болып табылады (бұдан әрі – Тараптар).

1.ТЕРМИНДЕР МЕН АНЫҚТАМАЛАР

Акцепт офертасы – Қызмет көрсету үшін төлем жасау арқылы Тапсырыс берушінің офертаны толық әрі сөзсіз қабылдауы.

Өтінімді жою – Клиенттің не Тапсырыс берушінің Платформа арқылы төленген өтінімді және төлемді кері қайтаруы. Өтінімді жою Платформа арқылы немесе Клиент қызмет көрсетілетін банкке сұрау жіберу арқылы жүзеге асырылуы мүмкін.

Қызмет көрсету шарты – Тапсырыс беруші мен Клиент арасында жасалатын шарт.

Тапсырыс беруші – осы жария шарттың талаптарын сөзсіз қабылдаған кез келген заңды тұлға, жеке кәсіпкер немесе өзін-өзі жұмыспен қамтыған тұлға.

Өтінім – Клиенттің Тапсырыс берушінің Қызметін көрсету туралы жеке сұранысы, бұл туралы ақпарат Орындаушы Платформасында орналастырылған. Өтінім жеке деректерді енгізу және Орындаушыға оларды өңдеуге келісім беру арқылы жүзеге асырылады.

Тапсырыс беруші Қызметтерінің картасы – Тапсырыс беруші туралы ақпарат, оның Қызметтерінің мазмұны, құны, байланыс деректері (телефон, e-mail) және Орындаушының Платформасында орналастырылған басқа да мәліметтер.

Клиент – Тапсырыс берушімен қызмет көрсету шартына отырған, Платформаны пайдаланатын, кәмелет жасқа толған және әрекетке қабілетті жеке тұлға.

Ақпараттың құпиялылығы – белгілі бір ақпаратқа қол жеткізген тұлға үшін оны иесінің келісімінсіз үшінші тұлғаларға бермеу жөніндегі міндетті талап.

Оферта / Шарт – осы құжат, Орындаушы ұсынатын қызметтерге арналған жария шарт. Орындаушының интернет желісіндегі https://proprofi.kz/ сайтында жарияланған мәтіні – Қазақстан Республикасының Азаматтық кодексінің 395-бабына сәйкес, қызмет көрсетуге арналған көпшілікке ұсыныс (оферта) болып табылады.

Тапсырыс беруші тарапынан Шарттың жасалғанын растайтын факт – оның төлем жасауы (Қазақстан Республикасының Азаматтық кодексі, 396-бабы, 3-тармақ).

Платформа – Орындаушыға тиесілі айрықша құқыққа ие бағдарламалық қамтамасыз ету, https://proprofi.kz/ интернет-мекенжайында қолжетімді, сонымен қатар осы сайттың бөлімдерін, Платформаны пайдалануға мүмкіндік беретін барлық элементтерді қамтиды.

Тапсырыс берушінің Қызметтері – Тапсырыс беруші ұсынатын, Қазақстан Республикасының заңнамасына және осы Шарт талаптарына қайшы келмейтін Қызметтер, Орындаушы Платформасында орналастырылған.

Электрондық төлем – Клиенттің Тапсырыс беруші Қызметтері үшін Орындаушы Платформасы арқылы нақты уақыт режимінде жүзеге асырылатын төлемі. Төлем электрондық төлем жүйелері арқылы жүзеге асырылады.

Осы Шартта осы бөлімде көрсетілмеген терминдер де қолданылуы мүмкін. Мұндай жағдайда, терминнің түсіндірмесі Шарт мәтініне сәйкес анықталады. Егер терминнің Шарт мәтінінде нақты түсіндірмесі болмаса, алдымен – Қазақстан Республикасының заңнамасына, екіншіден – https://proprofi.kz/ сайтына, содан кейін – интернет желісінде қалыптасқан жалпы қабылданған мағынасына сүйену қажет.

2. ШАРТТЫҢ МӘНІ

2.1. Осы Шартқа сәйкес Орындаушы Тапсырыс берушінің тапсырмасы бойынша, оның мүддесінде және есебінен келесі қызметтерді ақылы түрде көрсетуге міндеттенеді: Тапсырыс берушінің Қызметтері туралы ақпаратты https://proprofi.kz/ Платформасына орналастыру, сондай-ақ Тапсырыс берушінің Қызметтерін Платформада іске асыруға бағытталған өзге де әрекеттерді орындау, сонымен қатар банктерден кредиттік қаражат алу, кредиттік-қаржылық ұйымдардан қарыз алу, сондай-ақ Тапсырыс берушінің Клиенттерінен тікелей ақша қаражатын алу мәселелері бойынша кешенді қызмет көрсетуге бағытталған консультациялар жүргізу (бұдан әрі – Орындаушының Қызметтері). Бұл қызметтердің мақсаты – Тапсырыс беруші көрсететін немесе үшінші тұлғалармен жасалған шарттар негізінде іске асыратын Қызметтерді (бұдан әрі – Тапсырыс берушінің Қызметтері) Клиенттер тарапынан сатып алуына ықпал ету.

Тапсырыс беруші Орындаушы көрсеткен Қызметтерді қабылдауға және осы Шартта көзделген тәртіпте төлеуге міндеттенеді. Клиенттер Орындаушыға Тапсырыс беруші тарапынан жолдануы мүмкін немесе Орындаушының Платформасы арқылы тартылуы мүмкін.

2.2. Орындаушы осы Шартқа өзгерістер енгізу құқығын өзіне қалдырады. Осыған байланысты, Тапсырыс беруші Қызметтерді алуға дейін https://proprofi.kz/ сайтында жарияланған Шарттың өзекті нұсқасымен және өзге де ақпаратпен танысуға міндеттенеді.

2.3. Орындаушы осы Шартты орындау мақсатында Платформада Тапсырыс берушінің Қызметтері Картасын қалыптастыру үшін Тапсырыс беруші ұсынған өзіне қатысты ақпаратқа, Қызметтер мазмұны мен құны туралы мәліметтерге келісім береді. Егер Тапсырыс беруші Платформада жариялау үшін қажетті ақпаратты Орындаушыға ұсынбаса, онда Орындаушы Тапсырыс берушінің Қызметтері Картасын Платформада орналастырудан бас тартады. Мұндай жағдайда, Тапсырыс берушінің әрекеттері осы Шарт бойынша өзіне алған міндеттемелерден біржақты бас тарту ретінде қарастырылады.

3. ТАРАПТАРДЫҢ ҚҰҚЫҚТАРЫ МЕН МІНДЕТТЕРІ

3.1. Орындаушы міндеттенеді:

3.1.1. Қызметтерді осы Шарттың талаптарына сәйкес Тапсырыс берушіге көрсетуге.

3.1.2. Тапсырыс берушінің Қызметтері картасы Платформада орналастырылған сәттен бастап, оны келесі электрондық пошта мекенжайынан: prorazvitie.company@gmail.com электрондық хат жолдау арқылы хабардар етуге. Тапсырыс беруші мұндай хаттың «спам» қалтасына түсуі мүмкін екенін біледі, алайда бұл факт Тапсырыс берушіні Қызметтері картасындағы ақпаратты уақтылы жаңартудан босатпайды.

3.1.3. Тапсырыс берушінің Қызметтерін сатып алған Клиенттерден, сондай-ақ банктерден, қаржы-кредит ұйымдарынан және төлем жүйелерінен түскен қаражаттарды (Орындаушының осы Шарттың 5.2., 5.3. тармақтарында көрсетілген Қызметтері құнын шегере отырып) Тапсырыс берушіге аударуға.

3.2. Орындаушы құқылы:

3.2.1. Қызмет көрсету үшін қажетті қосымша ақпарат пен құжаттарды Тапсырыс берушіден сұратуға және алуға.

3.2.2. Осы Шартқа біржақты тәртіпте өзгерістер мен толықтырулар енгізуге, және Тапсырыс беруші сайтта өзгертілген нұсқасы жарияланған сәттен бастап хабардар етілген болып есептеледі.

3.2.3. Көрсетілген Қызметтер үшін сыйақы алуға.

3.2.4. Осы Шарт қолданыста болған мерзімде Тапсырыс берушінің фирмалық атауын, коммерциялық белгісін және тауар таңбасын өз жарнамалық және ақпараттық материалдарында, Платформаны және Орындаушының Қызметтерін (оның ішінде осы Шарт шеңберінде міндеттемелерді орындау мақсатында) қолдану мүмкіндігін көрсету үшін қосымша келісусіз пайдалануға.

3.2.5. Осы Офертаны орындау үшін үшінші тұлғаларды Тапсырыс берушіні хабардар етпестен тартуға.

3.2.6. Түсініктеме берместен Тапсырыс берушінің Қызметтері картасын Платформада орналастырудан бас тартуға.

3.3. Тапсырыс беруші міндеттенеді:

3.3.1. Осы Шарттың 2.1. тармағында көрсетілген Қызметтерді Орындаушы жүзеге асыруы үшін, тиісті түрде ресімделген Өтінімді ұсынуға. Өтінімде мынадай деректер болуы тиіс: ТАӘ, байланыс телефоны, Қызмет құны, валюта, кредиттеу мерзімі және 2.1-тармақты орындау үшін қажетті өзге де мәліметтер.

3.3.2. Платформада жариялау мақсатында өзіне қатысты ақпаратты, Қызметтердің мазмұны мен құнын, байланыс деректерін (телефон, e-mail) ұсынуға.

3.3.3. Қызметтері картасындағы ақпарат өзгерген жағдайда, өзгерістер енгізу туралы өтінішті Орындаушының электрондық мекенжайына: prorazvitie.company@gmail.com жолдау арқылы оның өзектілігін растауға.

3.3.4. Клиенттерге көрсетілетін Қызметтерді тиісті сапада және уақытында орындауға, сондай-ақ Клиенттердің барлық заңды талаптары үшін толық жауапкершілік көтеруге.

3.3.5. Егер Клиенттің не Тапсырыс берушінің қаржы ұйымының ережелерін бұзуы салдарынан Клиенттің төлемі жойылса, Тапсырыс беруші Орындаушының осыған байланысты шеккен шығындарын толық өтеуге міндеттенеді. Өтеу тәртібі Шарттың 5.11-тармағына сәйкес жүзеге асырылады.

3.3.6. Клиенттің немесе Банктің Тапсырыс берушінің Қызметінен бас тартуына байланысты Өтінімді жоюы немесе қаражатты қайтару талабын қойған жағдайда, Тапсырыс беруші Клиенттің бастапқы төлем сомасын Орындаушыға белгіленген мерзімде қайтаруға міндетті. Қайтару тәртібі осы Шарттың 6-бөлімінде көрсетілген.

3.3.7. Клиенттің шағымдарына жауап беруге және олардың қаралу нәтижесі туралы Орындаушының электрондық поштасына жазбаша есеп жіберуге (пункттер 6.1. және 6.3. тәртібінде).

3.3.8. Орындаушының Қызметтерін осы Шартта белгіленген тәртіппен және мерзімде төлеуге.

3.3.9. Қызмет көрсету үшін қажетті құжаттар мен материалдарды ұсынуға.

3.3.10. Орындаушының сұратуы бойынша ауызша және (немесе) жазбаша түрде түсініктемелер беруге.

3.3.11. Орындаушыдан алынған ақпараттың құпиялылығын және сақталуын қамтамасыз етуге.

3.3.12. Ұсынылған материалдардың үшінші тұлғалардың зияткерлік құқықтарын бұзбайтынын және олардың барлығына Заказчиктің толық құқықтары бар екенін растауға. Материалдар жарнама талаптарына сәйкес келуі тиіс.

3.3.13. Платформада орналастырылған пайдаланушы келісімімен және құпиялылық шарттарымен танысуға. Офертаны акцептеу – Заказчиктің бұл шарттармен толық таныс екенін және оларды бұзбауға ниетті екенін білдіреді.

3.3.14. Қызметтері картасындағы ақпараттың қолданыстағы заңнама талаптарына сәйкестігі үшін толық жауапкершілікті өз мойнына алуға, сонымен қатар үшінші тұлғалардың құқықтары мен заңды мүдделерін (оның ішінде авторлық және өзге де зияткерлік құқықтарды, бейматериалдық игіліктерді) бұзатын мазмұн үшін жауапты болуға.

3.3.15. Егер Орындаушыға жарияланған материалдар немесе Қызметтердің мазмұны мен сапасына қатысты талаптар түссе, Тапсырыс беруші мұндай талаптарды өз күштерімен және өз есебінен реттеуге міндетті. Бұл талаптар Орындаушының жеке әрекеттерінен туындаған жағдайларды қоспағанда.

3.4. Тапсырыс беруші құқылы:

3.4.1. Орындаушыдан осы Шартта көзделген міндеттемелерін орындауды талап етуге.

3.4.2. Орындаушы Қызметтерін сапалы көрсетуге жәрдемдесуге.

4. ҚЫЗМЕТТЕРДІ КӨРСЕТУ ТӘРТІБІ

4.1. Тапсырыс беруші Қазақстан Республикасының қолданыстағы заңнамасына сәйкес Тапсырыс беруші Қызметтерін көрсету үшін қажетті лицензиялар және/немесе өзге де рұқсаттардың бар екенін, сондай-ақ мұндай қызметтерді тиісті талаптарға толық сәйкес жүзеге асыратынын кепілдейді. Қажет болған жағдайда Тапсырыс беруші қызметтерді көрсетуге білікті мамандарды тартуға міндеттенеді.

4.2. Тапсырыс беруші Қызметтердің сапасына қойылатын міндетті талаптарды, мемлекеттік стандарттарды, техникалық құжаттарды және басқа да нормативтік ережелер мен құжаттарды сақтауды кепілдейді.

4.3. Тапсырыс беруші осы Шартты акцептемеc бұрын Орындаушы Қызметтерінің мерзімдері, тәртібі, шарттары мен құны туралы толық ақпарат алғанын растайды.

5. ҚЫЗМЕТТЕРДІҢ ҚҰНЫ ЖӘНЕ ЕСЕП АЙЫРЫСУ ТӘРТІБІ

5.1. Орындаушының қызметтері бойынша құн әрбір Тапсырыс беруші Клиентіне қатысты жасалған жеке мәміле бойынша есептеледі және теңге (KZT) валютасындағы баламасы негізінде айқындалады.

5.2. Егер Тапсырыс берушінің Клиенттерінен тікелей ақша қаражаты қабылданса (несие немесе қарыз қаражаттары пайдаланылмаған жағдайда), Орындаушының қызмет құны келесідей мөлшерде белгіленеді:

5.2.1. «QR-төлем» сервисін пайдалану арқылы Тапсырыс берушінің Қызметтерін сату кезінде Клиенттен Орындаушы алған сома көлемінен – 1% (бір пайыз);

5.2.2. Қазақстан Республикасының резидент-банктері арқылы Қызметтерді сату кезінде алынған сома көлемінен – 3,5% (үш жарым пайыз);

5.2.3. Қазақстан Республикасының резиденті емес банктер арқылы Қызметтерді сату кезінде алынған сома көлемінен – 4,5% (төрт жарым пайыз).

5.3. Егер Тапсырыс берушінің Клиенттері Орындаушыға қаражатты несие немесе қарыз қаражаттарын пайдалана отырып аударса, онда Орындаушының қызмет құны мынадай болады:

5.3.1. Егер Клиенттен (банк ұстап қалған комиссияны есепке алғандағы) түскен сома 250 000 теңгеден кем болса – Орындаушының сыйақысы алынған сома көлемінен 4% (төрт пайыз);

5.3.2. Егер Клиенттен түскен сома 250 000 теңгеден асса – Орындаушының сыйақысы алынған сома көлемінен 8% (сегіз пайыз).

5.4. Орындаушы, өз қалауынша және Тапсырыс берушінің мүддесін ескере отырып, Қызметтердің құнын төмендетуге құқылы және бұл туралы Тапсырыс берушіні алдын ала хабардар етпеуге құқылы.

5.5. Осы Шарт шеңберінде Орындаушы Қызметтерін көрсетудің нәтижесінде Тапсырыс беруші Қызметтерін пайдалануға ниет білдірген Клиенттер төлемді Орындаушының есепшотына аударады. Бұдан кейін Орындаушы сыйақысын ұстап қалғаннан кейін қалған соманы Тапсырыс берушіге аударады. Аударымның негізі – Клиенттің Орындаушының есепшотына қаражатты аударуы.

5.6. Орындаушы Тапсырыс берушінің есепшотына, Клиенттен түскен қаражат Орындаушының есепшотына түскен күннен бастап 5 (бес) банк күні ішінде, өз сыйақысын алып тастағаннан кейін, қаражатты аударуға міндеттенеді (осы Шарттың 5.2. және 5.3. тармақтарына сәйкес).

5.7. Орындаушының сыйақысы Тапсырыс берушіге қаражат аударылғанға дейін ұсталады.

5.8. Тапсырыс берушінің сыйақыны төлеу жөніндегі міндеттемелері Орындаушының есепшотына қаражат түскен күні толық орындалған деп есептеледі.

5.9. Осы Шарт бойынша барлық есеп айырысулар Тараптардың есепшоттарына теңге (KZT) валютасында қолма-қол ақшасыз тәртіппен жүзеге асырылады.

5.10. Орындаушы әр есептік айдан кейінгі айдың 15-іне дейін Тапсырыс берушіге көрсетілген қызметтер актісін және есеп беру құжатын жолдайды. Егер Тапсырыс беруші 3 (үш) жұмыс күні ішінде негізделген жазбаша қарсылық білдірмесе – көрсетілген қызметтер тиісінше және толық көлемде көрсетілді және Тапсырыс беруші тарапынан қабылданды деп есептеледі.

5.11. Егер Өтінім жойылса, ал ол бойынша есеп айырысу жүргізілген болса, Тапсырыс беруші Орындаушыдан алған қаражатты толық немесе өтінімнің жойылған бөлігіне сәйкес ішінара көлемде Орындаушыға қайтаруға міндетті. 

6. ҚАЙТАРЫМ ЕРЕЖЕЛЕРІ

6.1. Клиентке көрсетілетін Қызметтердің мазмұны, көлемі және сапасы үшін жауапкершілікті Тапсырыс беруші өз мойнына алады. Егер Клиент Тапсырыс берушінің төленген Қызметтерінен бас тартуына байланысты қаражатты қайтару туралы Орындаушыға жүгінсе, Орындаушы бұл ақпаратты 2 (екі) жұмыс күні ішінде Тапсырыс берушіге ұсынады.

Тапсырыс беруші Орындаушыдан қайтару туралы ақпарат алған күннен бастап 2 (екі) жұмыс күні ішінде қайтару мерзімі мен сомасы туралы немесе қайтарудан бас тарту туралы шешім қабылдап, бұл туралы Орындаушыға жазбаша түрде хабарлауға міндетті.

6.2. Егер Клиентке қаражаттың бір бөлігі қайтарылатын болса, Тапсырыс беруші қайтаруға жататын қаражат бөлігін Орындаушының есепшотына аударады, ал Орындаушы бұл соманы Тапсырыс берушінің Клиентіне оны алған сәттен бастап 5 (бес) жұмыс күні ішінде аударады.

Егер Клиентке толық қайтару жүргізілетін болса, Тапсырыс беруші қайтарылатын сома көлемін Орындаушының есепшотына аударады, ал Орындаушы бұл қаражатты, сондай-ақ осы Шарттың 5.2. және 5.3. тармақтарына сәйкес бұрын ұсталған сыйақы мөлшерін қосып, 5 (бес) жұмыс күні ішінде Тапсырыс берушінің Клиентіне қайтарады.

6.3. Егер Тапсырыс беруші қаражатты қайтарудан бас тартса немесе 2 (екі) жұмыс күні ішінде жауап бермесе, Орындаушы Клиентке қаражатты қайтарудан бас тартуға немесе қаражатты Тапсырыс берушінің міндеттемесін өтеу есебіне аудара алады. Бұл ретте Тапсырыс беруші Клиент алдында дербес жауапты болып қала береді. Орындаушы Тапсырыс беруші Клиенттің талабын дәлелді себепсіз орындаудан бас тартқан жағдайда, шеккен шығындарына байланысты (төлем тапсырмасы, чек және т.б.) құжатпен расталған жағдайда, Тапсырыс берушіге кері талап қоюға құқылы.

6.4. Егер Орындаушыға Клиент тарапынан төленген қаражатты қайтаруға байланысты шағым немесе талап қойылса, Орындаушы дауға Тапсырыс берушіні тартуға құқылы. Бұл жағдайда Тапсырыс беруші мұндай шағыммен, талаппен байланысты Орындаушы шеккен барлық шығындарды толық көлемде өтеуге міндетті. 

7. КЕПІЛДІКТЕР 

7.1. Тараптар келесіні мәлімдейді және кепілдік береді:

7.1.1. Әрбір Тарап тиісті түрде тіркелген және салық органдарында есепке қойылған;

7.1.2. Әрбір Тарап осы Шартты жасасу және орындау үшін қажетті барлық әрекеттерді жасаған, барлық шарттарды сақтаған және барлық рұқсаттар мен келісімдерді алған;

7.1.3. Әрбір Тарап салық және бухгалтерлік есеп жүргізу, операцияларды есепке алу кезінде олардың толықтығын, нақтылығын және дұрыстығын қамтамасыз ету, салықтар мен алымдарды есептеу және төлеу бойынша салықтық міндеттемелерді орындау, салықтық/бухгалтерлік есептілікті тапсыру, салық органында есепке тұру мәселелері бойынша заңнама талаптарын сақтайды.

7.2. Тапсырыс беруші Платформада өзінің фирмалық атауын, коммерциялық белгісін және тауар таңбасын орналастырған жағдайда бұл құқықтардың бұзылмайтынын және тек Орындаушымен серіктестік қарым-қатынасты білдіретінін растайды және соған келісім береді.

7.3. Тапсырыс беруші Платформада орналастыру үшін өз Қызметтері туралы ақпарат пен өзге де контентті ұсынған кезде қолданыстағы заңнама талаптарын және осы Шарттың шарттарын сақтауға міндеттенеді. Атап айтқанда, Тапсырыс беруші Платформада келесі сипаттағы контентті орналастыруға ұсынуға тыйым салынады:

7.3.1. үшінші тұлғалардың зияткерлік құқықтарын бұзатын немесе үшінші тұлғалар алдындағы (оның ішінде құпиялылықты сақтау міндеттемелері бойынша) міндеттемелерді бұзатын;

7.3.2. заңсыз сипатқа ие немесе кез келген заңсыз қызметті насихаттайтын не оған жәрдемдесетін;

7.3.3. Қазақстан Республикасының заңнамасына сәйкес ел аумағында таратуға тыйым салынған;

7.3.4. қандай да бір тұлғаға немесе адамдар тобына қатысты кемсітушілік немесе қорлау сипатындағы;

7.3.5. зиян келтіретін компьютерлік бағдарламаларды («вирустарды») қамтитын.

7.4. Тапсырыс беруші келесі бағыттар бойынша Қызметтер туралы ақпаратты Орындаушыға орналастыру үшін ұсынбауға міндеттенеді:

7.4.1. криптовалюталарды пайдалану және айналымымен байланысты;

7.4.2. эзотерикамен байланысты барлық бағыттар, оның ішінде, бірақ олармен шектелмей: бал ашу, адамның энергия өрісімен жұмыс істеу, медитациялар, астрология, нумерология және т.б.;

7.4.3. «жылдам табыс», «кепілді табыс» секілді уәделермен, қаржылық пирамидаларға қатысу немесе ұйымдастыру, «табысты көбейтетін» желілік маркетингпен байланысты;

7.4.4. лицензиясыз жүзеге асырылатын кәсіби қызмет түрлерімен байланысты;

7.4.5. тиісті рұқсатсыз трейдинг, майнинг;

7.4.6. түрлі электрондық сауда алаңдарына, соның ішінде, бірақ шектелмей: биржалар, онлайн-казино, онлайн-ойындарға сілтемелермен байланысты;

7.4.7. әдепсіз немесе порнографиялық мазмұндағы материалдармен байланысты. 

8. ТАРАПТАРДЫҢ ЖАУАПКЕРШІЛІГІ 

8.1. Тараптар осы Шарт бойынша өз міндеттемелерін орындамағаны немесе тиісінше орындамағаны үшін Қазақстан Республикасының қолданыстағы заңнамасына сәйкес жауапты болады.

8.2. Шарт бойынша өз міндеттемелерін орындамаған немесе тиісінше орындамаған Тарап екінші Тарапқа келтірілген залалды толық көлемде өтеуге міндетті.

8.3. Орындаушы Тапсырыс беруші ұсынған ақпараттық материалдар үшін жауап бермейді. Егер бұл материалдардың Қазақстан Республикасының заңнамасына сәйкес келмеуіне байланысты Орындаушыға талаптар қойылса, Тапсырыс беруші мұндай талаптарды өз бетімен және өз есебінен шешуге міндеттенеді. Сонымен қатар, Тапсырыс беруші аталған бұзушылықтар нәтижесінде Орындаушы шеккен барлық шығындарды (оның ішінде заңды және/немесе шарттық айыппұлдарды, әкімшілік айыппұлдарды және т.б.) өтеуге міндеттенеді.

8.4. Осы Шарттың шарттарына сәйкес, Орындаушы Тапсырыс берушінің серіктесі болып табылады және Тапсырыс берушінің Қызметтерінің сапасы мен мазмұны үшін жауап бермейді. Қызметтердің мазмұны, көлемі және сапасы үшін Клиент алдында толық жауапкершілікті Тапсырыс беруші көтереді.

8.5. Егер Тапсырыс берушінің Клиенттері Орындаушыға қызмет сапасына байланысты талаптар, шағымдар немесе сот талаптарын жолдаса, Тапсырыс беруші мұндай талаптармен байланысты Орындаушы шеккен барлық шығындарды 5 (бес) жұмыс күні ішінде толық көлемде өтеуге міндеттенеді. Орындаушы аталған Клиент бойынша алған сыйақы Тапсырыс берушіге қайтарылуға жатпайды.

8.6. Егер Тапсырыс беруші осы Шартта көзделген мерзімде кез келген ақшалай міндеттемелерді орындамаса, Орындаушы Тапсырыс берушіден төленбеген соманың әрбір кешіктірілген күні үшін 0,1% (нөл бүтін оннан бір пайыз) мөлшерінде айыппұл талап етуге құқылы. Тапсырыс беруші Орындаушының тиісті талабы алынған күннен бастап 5 (бес) жұмыс күні ішінде есептелген айыппұл сомасын төлеуге міндетті.

8.7. Орындаушы Тапсырыс беруші мен Клиенттер арасында Қызмет көрсету шарттарының жасалуына кепілдік бермейді және бұл үшін жауапты емес. Сонымен қатар, Орындаушы Тапсырыс берушінің Клиенттер алдындағы шарттық міндеттемелерін орындауына жауап бермейді. 

9. ФОРС-МАЖОР

9.1. Тараптардың ешқайсысы осы Шарт бойынша өз міндеттемелерін толық немесе ішінара орындамағаны үшін жауапты болмайды, егер мұндай орындамау осы Шарт акцептелгеннен кейін пайда болған, Тараптардың ешқайсысы алдын ала болжай алмайтын және ақылға қонымды тәсілмен болдырмай алмайтын төтенше жағдайлардың салдарынан туындаса. Мұндай жағдайларға су тасқыны, өрт, жер сілкінісі және басқа да табиғи апаттар, әскери әрекеттер, үкіметтің немесе жергілікті билік органдарының әрекеттері, ереуілдер, энергиямен жабдықтау жүйесіндегі ақаулар (Тараптардың компьютерлік жүйелерінің істен шығуы және деректердің жоғалуы), осы Шарт жасалғаннан кейінгі заңнаманың өзгеруі және жаңа талаптарға сәйкес Шартты орындаудың мүмкін еместігі жатады.

9.2. Осындай жағдайларға сілтеме жасайтын Тарап олардың туындауы және болжамды әрекет ету мерзімі туралы екінші Тарапты 5 (бес) жұмыс күні ішінде жазбаша түрде хабардар етуге міндетті. Форс-мажордың бар екендігін және оның әрекет ету ұзақтығын растау – уәкілетті органдар берген анықтама немесе басқа да растайтын құжатпен жүзеге асырылады.

9.3. Форс-мажор жағдайлары туралы хабарламау немесе уақтылы хабарламау салдарынан Тарап, оның міндеттемелерін орындауға кедергі болған жағдайларға кейіннен сілтеме жасау құқығынан айырылады.

9.4. Форс-мажор салдарынан осы Шарт бойынша міндеттемелерін орындай алмайтын Тарап, осы Шарттың талаптарын ескере отырып, міндеттемелерді мүмкіндігінше тезірек қайта орындауға күш салады.

9.5. Аталған жағдайлар аяқталған соң, Тарап бұл туралы екінші Тарапты дереу жазбаша түрде хабардар етуге міндетті. Бұл ретте міндеттемелерді қандай мерзімде орындау жоспарланғаны көрсетілуі тиіс.

9.6. Егер форс-мажор жағдайлары 15 (он бес) күн қатарынан жалғасса, кез келген Тарап осы Шартты бұзуға құқылы, бұл туралы екінші Тарапты жазбаша түрде 15 (он бес) күнтізбелік күн бұрын хабардар етуі қажет. 

10. ДАУЛАРДЫ ШЕШУ ТӘРТІБІ 

10.1. Осы Шарт бойынша Тараптар арасында туындайтын барлық даулар сотқа дейінгі тәртіпте келіссөздер арқылы шешіледі, бұл ретте шағым рәсімін сақтау міндетті болып табылады. Тараптар осы Шарт бойынша туындауы мүмкін барлық шағымдар Тараптармен олар алынған күннен бастап 20 (жиырма) жұмыс күні ішінде қаралуы тиіс екенін келіседі.

10.2. Егер келіссөздер арқылы келіспеушіліктерді шешу мүмкін болмаса, даулар Қазақстан Республикасының қолданыстағы заңнамасына сәйкес сот тәртібімен шешіледі. 

11. ШАРТТЫҢ ҚОЛДАНЫЛУ МЕРЗІМІ 

11.1. Шарт акцептелген күннен бастап күшіне енеді және осы Офертаның шарттарына сәйкес бұзылғанға дейін әрекет етеді, ал ақшалай міндеттемелер бөлігінде – Тараптар оларды толық көлемде орындағанға дейін.

11.2. Осы Шарт Тараптардың жазбаша келісімі бойынша, сондай-ақ осы Шартта көзделген өзге жағдайларда тоқтатылуы мүмкін.

11.3. Егер Тапсырыс берушінің Қызметтерді алуы немесе Орындаушының оларды көрсетуі орынсыз немесе мүмкін емес деп танылса, мүдделі Тарап осы Шартты біржақты тәртіппен бұзуға құқылы. Бұл жағдайда Шарт, бұзу туралы хабарлама алынған күннен бастап 15 (он бес) күнтізбелік күн өткен соң, бұзылған деп есептеледі.

11.4. Тапсырыс беруші осы Шартты орындаудан бас тартуға құқылы, бұл ретте ол Орындаушыға нақты шеккен шығындарын өтеуге, сондай-ақ Шартты бұзу туралы жазбаша түрде алдын ала хабарлауға міндеттенеді (осы Шарттың 11.3-тармағына сәйкес). Егер Шарт мерзімінен бұрын бұзылса, Орындаушы Шарт бұзылғанға дейін көрсетілген қызметтер үшін төлем алуға құқылы.

11.5. Орындаушы кез келген уақытта осы Шарттың мәтініне, оның ішінде сыйақы мөлшерлеріне өзгерістер енгізуге құқылы, бұл өзгерістер https://proprofi.kz/offerkz.html мекенжайында жаңа редакция түрінде жарияланады. Осы себепті Тапсырыс беруші кемінде екі аптада бір рет көрсетілген мекенжайға кіріп, Шарттың өзекті нұсқасымен танысуға міндетті. Егер Тапсырыс беруші жаңа шарттармен келіспесе, ол осы Шарттың 11-бөлімінде белгіленген тәртіппен біржақты тәртіппен Шарттан бас тартуға құқылы. 

12. ҚҰПИЯЛЫЛЫҚ

12.1. Осы Шарттың шарттары, оған енгізілетін толықтырулар мен қосымшалар, Тараптар осы Шарт шеңберінде бір-біріне берген немесе орындау барысында белгілі болған кез келген ақпарат, оның ішінде құжаттар, хат алмасу, сондай-ақ Клиенттер туралы кез келген мәліметтер құпия ақпарат болып табылады және үшінші тұлғаларға жария етуге жатпайды (бұдан әрі – «Құпия ақпарат»). Құпия ақпарат Тараптармен тек осы Шарт бойынша өз міндеттемелерін орындау мақсатында ғана пайдаланылуы мүмкін. Осы Шарттың қолданылу мерзімі ішінде, сондай-ақ оның тоқтатылған күнінен бастап кемінде 3 (үш) жыл ішінде Тараптар Құпия ақпаратты жария етпеуге және осы бөлімнің талаптарын сақтауға міндеттенеді.

12.2. Жоғарыда көрсетілгендерге қарамастан, алушы Тарап қолданыстағы заңнамаға сәйкес Құпия ақпаратты жария етуге міндетті болған жағдайда немесе егер бұл ақпарат:

12.2.1. беруші Тараптан алынғанға дейін алушы Тарапқа белгілі болған болса;

12.2.2. үшінші тұлғадан заңды түрде, қандай да бір шектеусіз және осы Шарттың құпиялылық талаптарын бұзбай алынған болса;

12.2.3. Құпия ақпаратты ашуға жазбаша рұқсат беруші Тараптың уәкілетті тұлғасы қол қойған қағаз нұсқадағы келісім берген болса, жария етілуі мүмкін.

12.3. Құпия ақпарат алушы Тараппен тек осы Шарт мақсатында ғана пайдаланылуы тиіс және ол ақпаратты тек өзінің қызметкерлеріне, агенттеріне, өкілдеріне, заңгерлеріне, аудиторларына және кеңесшілеріне немесе аффилиирленген тұлғаларына беруіне құқылы, бұл ретте аталған тұлғалар осы Шарт талаптарына сәйкес құпиялылықты сақтау жөніндегі міндеттемелермен байланысты болуы тиіс.

12.4. Құрамында Құпия ақпарат және/немесе қол жеткізуі шектелген басқа да ақпарат бар құжаттармен алмасу тек қорғалған байланыс арналары арқылы немесе Құпия ақпараттың қауіпсіздігін қамтамасыз ететін өзге де тәсілдермен жүзеге асырылуы тиіс.

12.5. Тараптар арасындағы өзара іс-қимыл шеңберінде Тапсырыс берушінің Клиенттеріне қатысты жеке деректердің Орындаушымен өңделетінін ескере отырып, әрбір Тарап жеке деректерді қорғау саласындағы қолданыстағы заңнаманың барлық талаптарын сақтауға міндеттенеді. Әрбір Тарап жеке деректердің қауіпсіздігін қамтамасыз етуге бағытталған техникалық және ұйымдастырушылық шараларды сақтау, қажет болған жағдайда жеке деректерді өңдеуге келісім алу, сондай-ақ оларды беру мен пайдалануды қамтамасыз ету бойынша міндеттемелерді орындайды. Жеке деректерді қорғау мен құпиялылық талаптарын нақтылау мақсатында Тараптар жазбаша түрде қосымша келісім жасаса алады.

12.6. Егер Тапсырыс беруші Орындаушыға Клиенттердің жеке деректерін берсе, Тапсырыс беруші Клиенттердің жеке деректерін беруге және оларды Орындаушымен өңдеуге келісімі бар екенін кепілдейді. Бұл ретте Орындаушы Клиенттердің жеке деректеріне қатысты келесі әрекеттерді жүзеге асыруға құқылы: жинау, жазу, жүйелеу, жинақтау, сақтау, нақтылау (жаңарту, өзгерту), алу, пайдалану, иесіздендіру, бұғаттау, жою, жоюға дайындау, беру (тарату, ұсыну, қолжетімділік), автоматтандыру құралдарын пайдалана отырып және/немесе оларсыз.

12.7. Тараптар жеке деректерді өңдеу кезінде Қазақстан Республикасының 2013 жылғы 21 мамырдағы № 94-V «Жеке деректер және оларды қорғау туралы» Заңында көзделген талаптарға сәйкес жеке деректерді заңсыз немесе кездейсоқ қол жеткізуден қорғау бойынша қажетті ұйымдастырушылық және техникалық шараларды қабылдайтынын растайды.

12.8. Осы Шарт шеңберінде берілетін жеке деректерге қатысты міндеттемелер:

– жеке деректерді өңдеу тек осы Шартты орындау мақсатында жүзеге асырылады;

– жеке деректерді алушы Тарап Қазақстан Республикасының 2013 жылғы 21 мамырдағы № 94-V «Жеке деректер және оларды қорғау туралы» Заңының барлық талаптарын сақтауға міндетті;

– жеке деректерді алушы Тарап құпиялылықты және жеке деректердің өңделу барысында олардың қауіпсіздігін қамтамасыз етуге міндетті.

12.9. Жеке деректерді алған Тарап жеке деректердің заңсыз немесе кездейсоқ берілуі (ұсынылуы, таралуы, қолжетімділігі) салдарынан жеке деректер субъектілерінің құқықтарының бұзылуына әкелетін жағдай анықталған кезде бұл туралы берген Тарапты дереу жазбаша түрде хабардар етуге міндетті.

12.10. Құпия ақпаратты жария еткен немесе оның құпиялығын қамтамасыз ету жөніндегі талаптарды орындамаған Тарап Қазақстан Республикасының заңнамасына сәйкес жауапкершілікке тартылады.

12.11. Қазақстан Республикасының заңнамасына сәйкес уәкілетті мемлекеттік органдардың сұратуы бойынша Тараптар ақпарат ұсынған жағдайда бұл құпиялылық режимінің бұзылуы болып саналмайды. 

13. БАСҚА ШАРТТАР

13.1. Осы Шарт шеңберіндегі барлық хабарламалар мен ескертулер Тараптармен жазбаша түрде жіберілуі тиіс. Мұндай хабарламалар мен ескертулер заңды күшке ие болады, егер олар тапсырысты хатпен жіберілсе, Тараптардың заңды (пошталық) мекенжайларына қолхатпен жеке тапсырылса, немесе Тараптардың электрондық пошта мекенжайлары, WhatsApp не Telegram мессенджерлері арқылы жауапты тұлғалар қол қойған сканерленген көшірме түрінде (қажет болған жағдайда факсимиле қолдану арқылы) жіберілсе. Егер жауапты қызметкерлердің қолымен (және қажет болған жағдайда мөрімен) қол қойылған құжаттардың түпнұсқасы сұралса, сұрату алған Тарап 10 күн ішінде бұл түпнұсқаларды жеке тапсыру немесе курьерлік/пошталық қызмет арқылы жеткізу жолымен беруге міндетті.

13.2. Платформада орналастырылған барлық материалдар халықаралық авторлық құқық және Қазақстан Республикасының авторлық құқық нормаларымен қорғалған. Бұл материалдарды көшіруге қатаң тыйым салынады.

13.4. Тапсырыс беруші https://proprofi.kz/ Платформасында жарияланған Пайдаланушы келісімімен және құпиялылық шарттарымен таныс. Аталған шарттарды бұзған жағдайда, Тапсырыс беруші Қазақстан Республикасының заңнамасына сәйкес жауапкершілікке тартылады. 

13.5. Тапсырыс берушіге порнографиялық, эротикалық сипаттағы материалдарды пайдалануға тыйым салынады. Егер Тапсырыс берушінің материалында осындай сипаттағы мазмұн болса, ол бұл туралы Орындаушыны алдын ала хабардар етуге міндетті. 

13.6. Орындаушы Тапсырыс берушіні оның ұсынған жеке деректері Қазақстан Республикасының 2013 жылғы 21 мамырдағы № 94-V «Жеке деректер және оларды қорғау туралы» Заңына және https://proprofi.kz/pdnkz.html мекенжайында орналастырылған жеке деректерді өңдеу саясатына сәйкес өңделетіндігі туралы хабардар етеді.

13.7. Тапсырыс беруші Орындаушыдан (немесе Орындаушы өкілдерінен) белгілі бір жарнамалық немесе маркетингтік материалдарды алуға келісімін береді. Аталған материалдарды жіберу жарнамалық хабарламаларды алу шарттарына сәйкес жүзеге асырылады.

13.8. Тапсырыс беруші адал әрекет ететінін, қолданыстағы ұлттық азаматтық, салық заңнамасын, сондай-ақ білім беру саласындағы және халықаралық заңнама талаптарын сақтайтынын кепілдейді. 

14. ТАРАПТАРДЫҢ РЕКВИЗИТТЕРІ

14.1. Тараптар Тапсырыс берушінің реквизиттері ретінде ол Қызметке тапсырыс беру кезінде көрсеткен ақпаратты қабылдауға келіседі. 

15. ОРЫНДАУШЫНЫҢ РЕКВИЗИТТЕРІ: